ΠΟΝΤΙΑΚΑ ΚΑΛΑΝΤΑ

Στίχοι:  

Παραδοσιακό

Μουσική:  

Παραδοσιακό

Περιοχή:  

Πόντος

Χριστός γεννέθεν, χαρά σον κόσμον
χα, καλή ώρα, καλή σ΄ ημέρα
Χα, καλόν παιδίν οψές γεννέθεν
οψές γεννέθεν, το βράδ΄ αργάτε.

Το εγέννεσεν η Παναΐα
Το ανάθρεψεν αεί Παρθένος.
Εκαβάλκεψεν χρυσόν πουλάρι
εκατήβεν σο σταυροδρόμι.

Έπιασαν άτό΄ οι σκύλ΄ Εβραίοι
χίλ΄ Εβραίοι και μίλ΄ Εβραίοι.
Ασ΄ σαν κρέντικα κι άσ΄ στην καρδίαν
γαίμα έσταξεν, χολήν κι εφάνη.
γαίμα έσταξε, εμυροστάθεν.

Εμυρίστεν ατ΄ ο κόσμον όλον
για μυρίστ΄ άτό και σύ αφέντα.

Σύ αφέντα, καλέ μ΄ αφέντα
έμπα σο νουντάν κι ελά σην πόρταν.
Φέρ ουβάς και λεφτοκάρυα.
Κι αν ανοί'ς μας χαρά σην πόρτα'ς.

Χριστός γεννέθεν, χαρά σον κόσμον
χα, καλή ώρα, καλή σου μέρα.
Χα, καλόν παιδίν οψέ `γεννέθεν.
Οψέ `γεννέθεν, ουράνοστάθεν.

Τον εγέννεσεν η Παναΐαν
τον ανέστησεν Αγιά Παρθένος.
Εκαβάλκεψεν χρυσόν πουλάριν
χρυσοπούλαρον και ανεμοπούλαρον.

Εκατέβην σο σταυροδρόμιν
τον απερπάξανε χίλ΄ Εβραίοι
χιλ΄ Εβραίοι και μύρ΄ Εβραίοι
χίλ΄ Εβραίοι και μύρ΄ Εβραίοι.

Ασ΄ σαν Αρχαντίκα και ασ΄ σην καρδίαν
γαίμαν έσταξεν, γλεήν κι εφάνθεν.
Εμυρίστεν ατ΄ ο κόσμον όλον
για μυρίστ΄ ατό και εσύ αφέντα
άη αφέντα, καλέ μ΄ αφέντα.

Δέβα σο ταρέζ κι έλα σην πόρταν
δώσ΄ με το παχτσίς κι ας πάω δεβαίνω.

Κάλαντα Πρωτοχρονιάς

 

Αρχή κάλαντα (κι αρχή του χρόνου – δις)

Πάντα Κάλαντα, (πάντα του χρόνου-δις)

Αρχή μήλον έν’ (κι αρχή κυδών έν’-δις)

Αρχή μήλο είναι κι αρχή κυδώνι είναι

Κι αρχή βάλσαμον (το μυριγμένον-δις)

κι αρχή βάλσαμο το ευωδιαστό

Εμυρίστεν ατο (ο κόσμος όλεν-δις)

Το μύρισε ο κόσμος όλος

Για μυρίστ’ ατο κι εσύ αφέντα – καλέ μ’ αφέντα

Μύρισέ το κι εσύ αφέντη – καλέ μου αφέντη 

Έρθαν καλά παιδία σην πόρταν – και ξαν σην πόρτα σ’

Ήρθαν καλά παιδιά στην πόρτα σου και πάλι στην πόρτα σου

Άψον το κερί σ’ (κι έλα σην πόρτα σ’-δις)

Άναψε το κερί σου κι έλα στην πόρτα 

Χα μηλόπα, χα ξερά τζιρόπα – ξερά τζιρόπα

Να μηλάκια, να ξερά αχλαδάκια – ξερά αχλαδάκια 

Χα ξερά, μαύρα κοκκυμελόπα – κοκκυμελόπα

Να ξερά, μαύρα δαμασκηνάκια – δαμασκηνάκια 

(Χρόνια πολλά πάντα και του χρόνου)